Member aku anto "surat" ni...ok gak kan..?
kepado pak lah... PM paling sey sayang...I lap u
namo sey ni KARIM...pengundi bedaftar DUN CHOMBUNG, PARLIMEN GHOMBAU...alaaaa tompek si KERY yg abah'eh JAMALUDIN tuuu...tak kona'????menantu PAK LAH tu laaaaa....suko bona' sey ngan dio tu...ghaso nk buek menantu lak...
sey nulih surat ni bukan apo...sajo yor nk ucap'an timo kasih kek pak lah sobab naik'an hargo minyak ari tu..lopeh ini bilo hargo minyak naik..hargo barang lain pun naik gaklaaaa...banggo boto' sey ghaso...mcm duduk kek LAS VEGAS lak...HIDUP PAKLAH!!!!!!! sey janji ngan pak lah yg sey akan ubah tebiat sey dari makan ikan kombung yg dah merah menyalo mato'eh & pocah bedorai porut ikan tu pado ikan koring yor...sey sanggup bekoban untuk UMNO dan bn..
anak sey yg 7 org tu yg dh buleh buek team futsal tu boleh la bekojo lopeh sekolah buek bantu mak ayah diorang ni haaa...kok tk bekojo pun buleh la jadi mat rompit kek SENAWANG tu...dapek gak la duit sesikit...buleh gak la menoruskan tradisi keluargo sey ni yg nyokong UMNO dan bn
ghaso2 sey ni nk ubahsuai bilik. bilik yg ado kek ghumah sey...nk buek tompek bolo ikan & tanam sayur cagho hidroponik (apo binchek'eh ni???) sey tepakso tanam kek dalam bilik sobab sey tingga' kek umah flat...rebet yg pak lah bagi kek sey memang melampuh2 lobeh'eh dari keperluan sey..bilo sey congak2.. sey cumo guno 20 sen yor duit minyak moto sehari.. adola untung 21 sen...sey tak pakai pon keto... sobab bilo minyak naik hargo.. sey kono jual datsun kotak mancis sey tu.. dapek gak la duit....tokih2 pun ado la hasil'eh..team futsal sey tu, sey nak suruh eksesais hari2 berjalan kaki tak pun naik beska' poie sekolah...ado la 5 km...dokek yor tuuuuu...walaupon gaji sey ni rm 1000..sbona' eh terlobih cukup untuk keluargo sey...buek permulaan nk ngubah kehidupan sey..sey tak akan guno'an gulo bilo buek kopi... tak akan guno'an topung untuk buek kodok sey nak ganti'an bogheh ngan ubi... tiap hari sey ngan keluargo akan berposo (kecuali pado hari hari yg dilarang beposo) sey akan buek minyak masak sendiri itu antaro caro sey ngubah caro hidup..
ado banyak laie caro semuo kerano UMNO dan bn...dan sey mintak bona' pak lah naik'an laie hargo minyak yg ado..bukan tu yorrr.. sey mintak bona' naik'an laie hargo tol sobab org sbolah rumah sey nih org pembangkang. ..dio slalu guno highway, biar padan muko dio...tu la...suko bona' nyokong pembangkang. ..PAKATAN RAKYAT konon...palo hayah dio tu...nnt pak lah buleh la melawat sey dan sedokah pado sey solai kain pelikat bilo dh nak dokek2 pilihanrayo nanti...insyaallah kain pelikat tu sey nk bubuh dlm frame dahtu gantung kek rumah...tapi jangan lupo lak.. pak lah sain otogeraf yor kek kain tu....
jgn lupo pak lah.. naik'an laie hargo minyak..jgn la diturun'an gaji mentori2 tuuu..siannn diorang...kang apo lak anak bini'eh nk mentodarah.. ..tak dapek pulak nak menyopping sakan kek obe sea tuh...sey totap nyokong pak lah..akhir kato biar pak lah sonang, janji kami papo kedano.. hidup UMNO, hidup bn..sekian timo kasih..
ps/ :
sampai'an salam sey kek si KERY samo PATRICK BADAWI tu yor..tak lupo gak tuan punyo syarikat SCOMI...sapo tah namo'eh...lupo lak...
pocah kaco, pocah golas,
sudah baco, harap baleh
"Sudah Sampai Masanya Kita Ubah Cara Idup Kita"
Kalau dulu makan Ayam....skrg ni makan ikan je....
Kalau dulu makan ikan.....skrg ni makan telur.....
Kalau dulu makan telur......skrg ni makan nasik je.....
Kalau dulu makan nasik je......skrg ni tak payah makan ape-ape pun....
Kalau dulu dah memang tak makan ......skrg ni baik mati je......
(Itu baru bab makan)
Aku dok tengok, geng tu hanya peduli perut diaorang, sedara diaorang, tok wan, tok nek, mak bapak dan segala keturunan depa jaaa....Walhal kt malaysia ni masih ramai dok makan nasik ngan garam je!
PANGKAH LA LAGI DEPA TUUUU!!!!!!!
